Vychavalnicy dziciačaha sadka ŭ Śvietłahorsku, u jakim dzicia atrymała traŭmy, rašeńniem suda pryznačanaje pakarańnie ŭ vyhladzie papraŭčych rabot terminam na adzin hod z utrymańniem u prybytak dziaržavy 15% zarobku štomiesiac. Taksama ź jaje spahoniać na karyść paciarpiełaj (mamy dziciaci) hrašovuju kampiensacyju maralnaj škody — Br3,1 tys. Pra heta paviedamiła BiełTA pres-sakratarka abłasnoha suda Volha Barsukova.
Jak paviedamlałasia, incydent adbyŭsia ŭ pieršaj pałovie dnia 30 maja hetaha hoda. Čatyrochhadovy chłopčyk, jaki znachodziŭsia ŭ hety čas pad nahladam 28-hadovaj vychavalnicy, atrymaŭ traŭmy ruk u vyhladzie pierałomaŭ.
Baćki dziciaci napisali zajavu ŭ milicyju. Śledčyja raspačali kryminalnuju spravu pa č.1 st.165 (nienaležnaje vykanańnie abaviazkaŭ pa zabieśpiačeńni biaśpieki žyćcia i zdaroŭja dziaciej) KK RB. Sud pakinuŭ hetaje abvinavačańnie ŭ sile. U vychavalnicy, jak paviedamiła pres-sakratar abłasnoha suda, dvoje ŭłasnych dziaciej.
Prysud zakonnuju moc pakul nie nabyŭ, jon moža być abskardžany i apratestavany va ŭstanoŭlenym zakonam paradku.
