Sioleta spoŭniłasia 5 hadoŭ lehiendarnamu animacyjnamu multfilmu pra «šalony narod» «Budźma biełarusami, albo Historyja Biełarusi za 5 chvilin».
Heta byŭ pieršy prafiesijny animacyjny film pa historyi Biełarusi, u jakim u lohkaj i zabaŭlalnaj formie apaviadałasia pra samyja admietnyja momanty našaj minuŭščyny. Za ŭvieś čas mult sabraŭ bolš za miljon prahladaŭ, atrymaŭ šmat premij i navat uvajšoŭ u top-10 prahladaŭ na Youtube i top-3 na Yandex!
Kampanija prapanoŭvaje i dzieciam, i darosłym svojeasabliva adznačyć pieršy jubilej multfilma, uziaŭšysia za ałoŭki. Tak-tak, z nahody 5-hodździa pavodle siužetaŭ multfilma «Budźma biełarusami!» vydadzieny kamplekt razmalovak, jaki składajecca z 12 paštovak. Ciapier kožny moža razmalavać na svoj hust najbolš jaskravyja padziei z daŭniejšych časoŭ i da 1991 hoda: dachryścijanskaja Biełaruś i Vialikaje Kniastva Litoŭskaje, Jefrasińnia Połackaja i Vitaŭt Vialiki, Francišak Skaryna i Uršula Radzivił, paŭstańnie Kaściuški i Adradžeńnie, abviaščeńnie BNR i biełarusizacyja ŭ BSSR, źjaŭleńnie niezaležnaj Respubliki Biełaruś.
Darečy, upieršyniu rasfarboŭki źjavilisia ŭ ZŠA ŭ kancy XIX stahodździa. Jany vydatna padychodzili jak dla adukacyjnych metaŭ, tak i dla azdaraŭlenčych. Ź ich dapamohaj dzieci daviedvalisia novyja cikavostki pra śviet, a darosłyja pieramahali stres.
Razmalovak ułasna biełaruskich, tym bolš raźličanych i na darosłych, i na dzietak, pakul niašmat.
Dyk davajcie raskviecim historyju našaj krainy razam!
Nabyć kamplekt paštovak-razmalovak možna ŭ nastupnych kramach:
Minsk
Akademkniha (pr-t Niezaležnaści, 72);
Centralnaja kniharnia (pr-t Niezaležnaści, 19);
Viedy (vuł. K. Marksa, 36);
Kniharnia piśmieńnika (vuł. Kazłova, 2);
Śvietač (pr-t Pieramožcaŭ, 11);
Harodnia
«Pramietej» (vuł. Savieckaja, 10);
Maładziečna
«Spadčyna M» (vuł. Prytyckaha, 7);
Połack
«Śvietač» (vuł. Kamunistyčnaja, 21);
Babrujsk
«Krynica viedaŭ» (vuł. Horkaha, 31).
A taksama zamović u internet-kramie knihi.by.
