Departamient raźvićcia isłamu Małajzii zapatrabavaŭ ad uładalnikaŭ kram pierajmienavać chot-dohi — papularnyja siarod amataraŭ chutkaha charčavańnia bułački z sasiskami.
Getty
Kali rekamiendacyja ŭładaŭ nie budzie vykanana, u kramy mohuć zabrać siertyfikat na handal chalalnymi praduktami.
Jak zajaŭlaje kiraŭnictva ŭradavaha orhana, padobnaja miera vyklikanaja skarhami z boku turystaŭ-musulman.
Nazva praduktu «chot-doh» moža ŭvieści ŭ zman, skazaŭ kiraŭnik departamienta Siradžudzin Suchajmi. «U isłamie sabaka (dog) ličycca niačystaj žyviołaj, hetaje słova nie moža adnosicca da chalalnaj pradukcyi», — adznačyŭ jon.
U małajzijskich praviłach siertyfikacyi chalalnych praduktaŭ skazana, što jany nie pavinny nasić nazvy niechalalnych — takich jak viandlina, biekon, piva, rom i šerahu inšych.
Musulmanie Małajzii vyznajuć umierany isłam, adnak u apošni čas u krainie adznačajecca rost kansiervatyŭnych nastrojaŭ.
