Pastanovaj Savieta ministraŭ ad 17 kastryčnika № 828 u Biełarusi z 1 lipienia 2017 hoda budzie zabaronieny prodaž infarmacyjnaj pradukcyi biez uzrostavaj markiroŭki, paviedamiła pres-słužba ŭrada.
Zhodna z pastanovaj, infarmacyjnaja pradukcyja (pradukcyja srodkaŭ masavaj infarmacyi, drukavanych vydańniaŭ, aŭdyjavizualnych tvoraŭ, fanahram, hulniaŭ, u tym liku hulniaŭ z elektronnym dysplejem, kampjutarnych hulniaŭ i prahram na lubych vidach nośbitaŭ) albo infarmacyja, jakaja raspaŭsiudžvajecca na kulturnych mierapryjemstvach, pavinna mieć prysvojeny va ŭstanoŭlenym paradku znak uzrostavaj katehoryi.
Vyklučeńnie składuć vypadki, kali najaŭnaść takoha znaka źjaŭlajecca nieabaviazkovaj u adpaviednaści z zakanadaŭstvam.
Budzie zabaroniena pradavać niepaŭnaletnim va ŭzroście da 16 hadoŭ filmy, jakim prysvojeny znak uzrostavaj katehoryi «16+» ci «18 +» (raniej u pastanovie była prapisanaja zabarona na prodaž aŭdyjavizualnych tvoraŭ ź indeksami «**» i «***»).
Pastanovaj taksama ŭdakładnienyja asablivaści prodažu srodkaŭ abarony raślin (rečyvaŭ abo sumiesi rečyvaŭ sintetyčnaha abo pryrodnaha pachodžańnia dla praduchileńnia źjaŭleńnia, źniščeńnia abo baraćby sa škodnikami, uzbudžalnikami chvarob raślin i inš.).
Tak, dapuskajucca da prodažu tolki srodki abarony raślin, jakija prajšli dziaržaŭnuju rehistracyju srodkaŭ abarony raślin i ŭklučanyja ŭ Dziaržaŭny rejestr srodkaŭ abarony raślin i uhnajeńniaŭ, dazvolenych da prymianieńnia na terytoryi Respubliki Biełaruś. Infarmacyja ab srodkach achovy raślin akramia źviestak pavinna ŭtrymlivać na kožnaj adzincy jomistaści sa srodkam abarony raślin rekamiendacyi pa jaho ŭžyvańni, pieravozcy i zachoŭvańni (na tarnaj (upakovačnaj) etykietcy abo ŭ śpiecyjalnym dadatku) z ukazańniem numara dziaržaŭnaj rehistracyi.
Pradaviec pavinien mieć dakumient, jaki paćviardžaje jakaść srodku abarony raślin, vydadzieny vytvorcam, i abaviazany zabiaśpiečyć vykanańnie patrabavańniaŭ biaśpieki pry zachoŭvańni i prodažy srodkaŭ abarony raślin. Prodaž srodkaŭ abarony raślin ažyćciaŭlajecca tolki va ŭpakoŭcy vytvorcy.
