U Suchumi na samarobnaj vybuchovaj pryładzie padarvaŭsia 17 kastryčnika jašče adzin rasijski bajavik — i jon byŭ blizki da zabitaha ŭ Daniecku Mataroły, paviedamlaje ahienctva caucasustimes.com.
Mataroła (Arsien Paŭłaŭ), kamandzir bataljona rasijskich bajevikoŭ «Sparta» u tak zvanaj «Danieckaj Narodnaj Respublicy», zahinuŭ u vyniku vybucha ŭ lifcie ŭłasnaha doma 16 kastryčnika. Razam ź im zahinuŭ ciełaachoŭnik.
Siłavyja orhany niepryznanaj respubliki Abchazii padazrajuć, što zahinuły Siarhiej Tarasienka moh być terarystam i mieŭ dvuch pasobnikaŭ, jakich ciapier šukajuć.
Zbornaja «DNR» pa futbole adpraŭlajecca na tavaryski matč u Abchaziju.
Vybuch adbyŭsia na terytoryi suchumskaha telecentra. Pavodle źviestak orhanaŭ śledstva, padryŭ byŭ vypadkovym, a imavierny teraryst mieŭ pry sabie racyju i mapy, na jakich byli pakazanyja dziaržaŭnyja ŭstanovy, jakija toj mieŭsia zaminiravać.
Pra matyvy bajevika nie paviedamlajecca, adnak viadoma, što raniej u Abchazii lačylisia bajeviki «DNR», u tym liku sam Mataroła, u jakoha adbyŭsia kanflikt ź miascovymi žycharami, jaki amal dajšoŭ da stralaniny.
Mataroła i ŭražańni jahonaj žonki ad adpačynka ŭ Abchazii letam hetaha hoda.
U kantekście padziei ŭ Suchumi moža źjavicca novaja viersija ŭ spravie zabojstva Mataroły.
