postimees.ee
Siońnia, 3 kastryčnika, u Ryjhikohu prajšli vybary prezidenta Estonskaj Respubliki. Pa ich vynikach kiraŭnikom dziaržavy stała Kierści Kaljułajd.
Jana atrymała 81 hołas. Jašče 17 biuleteniaŭ zastalisia niezapoŭnienymi. Na miescy prysutničała 98 deputataŭ z 101.
Parłamient Estonii abraŭ prezidenta z treciaj sproby.
***
46-hadovaja Kaljułajd pracavała raniej pradstaŭnikom krainy ŭ Jeŭrapiejskaj padlikovaj pałacie.
Paŭnamoctvy ciapierašniaha prezidenta Tomasa Chiendryka Ilviesa skančajucca ŭ kastryčniku. Jon zajmaje hety pasadu ŭžo druhi raz i, pavodle kanstytucyi, nie moža być abrany na treci termin.
U Estonii dziejničaje dvuchuzroŭnievaja sistema niepramych vybaraŭ prezidenta: spačatku kiraŭnika dziaržavy sprabuje abrać parłamient, ale kali nikomu z kandydataŭ nie atrymajecca nabrać patrebnuju kolkaść hałasoŭ, to vybary praciahvajucca ŭ Kalehii vybarščykaŭ.
