Asnoŭnyja paramietry biudžetu, paviedamiŭ ministr finansaŭ Uładzimir Amaryn, sfarmavanyja «pa kansiervatyŭnym scenary raźvićcia ekanomiki».
Hety scenar praduhledžvaje temp rostu VUP u 100,2%, ceny na naftu ŭ 35 dalaraŭ ZŠA za baral, kursu rasijskaha rubla ŭ 75 rubloŭ za dalar ZŠA i staŭki refinansavańnia Nacyjanalnaha banka ŭ 15—17%.
Pastupleńni dachodaŭ pa prajekcie respublikanskaha biudžetu na 2017 hod vyznačanyja ŭ sumie 18.235,2 młn rubloŭ, abo z rostam da čakanaha vykanańnia 2016 hoda — na 6,1%. Raschody respublikanskaha biudžetu zapłanavanyja ŭ pamiery 16.739,1 młn rubloŭ, abo 98,9% da čakanaha vykanańnia 2016 hoda.
Praficyt respublikanskaha biudžetu sfarmiravany ŭ sumie 1.496,1 młn rubloŭ i budzie nakiravany na pahašeńnie dziaržaŭnaha doŭhu i vykanańnie častki harantyj urada.
U 2017 hodzie pahašeńnie dziaržaŭnaha doŭhu składzie 5.232,2 młn rubloŭ, u tym liku źniešniaha dziaržaŭnaha doŭhu — 2.278,6 młn rubloŭ, unutranaha dziaržaŭnaha doŭhu — 2.953,6 młn rubloŭ.
Taksama Pałata pradstaŭnikoŭ pryniała ŭ pieršym čytańni papraŭki ŭ Padatkovy kodeks. «Va ŭmovach zaviaršeńnia strukturnaj padatkovaj reformy, a taksama składu i kolkaści padatkovych płaciažoŭ, prapanavanyja na nastupny hod miery padatkovaj palityki nie praduhledžvajuć istotnych źmien i zabiaśpiečvajuć stabilnaść padatkovaj sistemy», — skazaŭ Amaryn.
