Śpiavak Uzari prezentuje ŭ miežach aŭdyjočartu na Tuzin.fm svaju pieršuju aŭtarskuju pieśniu na biełaruskaj movie.
«Mova, mara — mora ŭ kožnym z nas», — pad takim słohanam Juzary pradstaviŭ svoj samotnik. Pieśnia «Mora» maje pakłaści pačatak novaha etapa ŭ tvorčaści śpievaka. «Ja čakaŭ hetaha etapa z 2011 hoda i voś jon pryśpieŭ. Ciapier Juzary — heta hurt. U mianie jość kamanda prafesijanałaŭ, jość napramak, meta i adčuvańnie sučasnaj historyi. I my majem šmat padarunkaŭ dla našych słuchačoŭ, jakija stvoranyja ź vialikimi pačućciami i ahniom. Pieršy ź ich — ułasna hetaja pieśnia, jakaja źjaŭlajecca pačatkam sučasnaha. Hety tvor pakazvaje hłybiniu našych dumak i adčuvańniaŭ, jakija nakiravanyja ŭ budučyniu», — skazaŭ vykanaŭca z nahody premjery na Tuzin.fm.
Ciapier Juzary vystupaje vyklučna ŭžyvuju.
Da jaho dałučyŭsia bas-hitaryst i aranžyroŭščyk Alaksandar Vierny, viadomy z hurta «Flaŭs i Klajnn», hitaryst Dźmitry Markaran i bubnač Aleś Sobal. Razam jany rychtujuć całkam biełaruskamoŭnuju prahramu. Sačyć za navinami hurta Uzari možna praz aficyjnuju supołku.
Samotnik «Mora» možna nabyć na iTunes. Pasłuchać pieśniu možna na Soundcloud. U aŭdyjočarcie na Tuzin.fm jana voźmie ŭdzieł z 2-ha turu sezonu 2016/2017.
