Francuzskaja transpartnaja kampanija Alstom prezientavała pieršy ŭ śviecie pasažyrski ciahnik, jaki budzie jeździć tolki na vadarodzie, paviedamlaje ScienceAlert.
Alstom
Zamiest vykidaŭ, zvykłych dla zvyčajnych ciahnikoŭ na dyzielnaj ciazie, ciahnik Coradia iLint budzie vykidvać u atmaśfieru tolki paru i vadzianyja kropli. Ciahnik upieršyniu byŭ pakazany publicy na vystavie InnoTrans, jakaja prajšła ŭ Bierlinie.
Elektramatory ciahnika siłkujucca ad lityj-ijonnych akumulataraŭ, jakija zaradžajucca ad vadarodnych paliŭnych elemientaŭ. Adnoj zapraŭki vadarodam chapaje na 800 km šlachu.
Pavodle dadzienych haziety Die Welt, ciahnik budzie kursiravać pa maršrutach u Nižniaj Saksonii, miascovyja ŭłady ŭžo zamovili francuzam 14 sastavaŭ. Kali vyprabavańni buduć paśpiachovymi, dośvied budzie pieraniesieny na inšyja rajony Hiermanii.
