Stała viadoma, što 29 kastryčnika ŭ homielskim ladovym pałacy adbudziecca pieršy vystup BRUTTO u Biełarusi.
Čamu mienavita tam?
Pra heta «Našaj Nivie» raspavioŭ pradstaŭnik kampanii — arhanizatara kancerta, Alaksandr.
«Heta zručna pa łahistycy. My chočam, kab muzykantam było zručna dabiracca da horada, nam było zručna dabiracca da horada. Šmat faktaraŭ, pakul nie pra ŭsio možna kazać», — skazaŭ Alaksandr.
Na pierśpiektyvu tura pa Biełarusi jon skazaŭ tak: «Treba zrabić pieršy kancert, a dalej budziem hladzieć».
Taksama pradstaŭnik kampanii skazaŭ, što naŭrad ci paŭtorycca raniejšaja historyja, kali čynoŭniki spačatku dazvolili BRUTTO vystupić u Minsku, a potym, litaralna napiaredadni vystupu, admianili svajo rašeńnie.
«Pakul ničoha nie daje padstaŭ mierkavać, što budzie admiena. Znosiny ź ideołahami mahu nazvać vielmi pazityŭnymi. Pakul nie chočacca vychodzić za ramki i raskazvać bolš, ale hałoŭnaje — my sutyknulisia z dobrym staŭleńniem», — padsumavaŭ Alaksandr.
