Prezident Ukrainy Piatro Parašenka na pasiadžeńni Rady nacyjanalnaj biaśpieki i abarony zajaviŭ pra praciah prymianieńnia abmiežavańniaŭ i pašyreńnie sankcyjnaha śpisu ŭ dačynieńni da rasijskich kampanij i fizičnych asob, jakija tym ci inšym čynam datyčnyja da parušeńnia terytaryjalnaj cełasnaści i suvierenitetu Ukrainy.
Pra heta paviedamili ŭ pres-słužbie kiraŭnika dziaržavy.
«Abmiežavalnyja miery, u pryvatnaści, buduć prymianiacca da pradpryjemstvaŭ rasijskaha vajenna-pramysłovaha kompleksu, finansavych ustanoŭ, jakija zabiaśpiečvajuć padtrymku terarystyčnych arhanizacyj tak zvanych ŁNR/DNR, kampanij marskich i avijacyjnych pieravozak, jakija pracujuć z akupavanaj častkaj Ukrainy ŭ Krymie. Havorka idzie i pra kampanii-apieratary, sudny i samaloty jakich nachabna parušajuć ukrainskaje zakanadaŭstva, naviedvajučy party, niahledziačy na strohuju zabaronu, jakuju vydała Ukraina», — skazaŭ Parašenka.
Pa słovach prezidenta, hetaje pytańnie ŭžo prapracavanaje ŭ Kabiniecie ministraŭ, Nacyjanalnym banku, Słužbie biaśpieki, inšych strukturach.
Raniej RNBA pryniała rašeńnie ab užyvańni novych sankcyj suprać pradstaŭnikoŭ pravaachoŭnych i sudovych orhanaŭ Rasijskaj Fiederacyi za pieraśled ukrainskaha režysiora Aleha Siancova i aktyvista Alaksandra Kolčanki.
