Navukoŭcy z Technałahičnaha instytuta Džordžyi raspracavali tkaninu, zdolnuju vypracoŭvać elektryčnaść ad vietru i enierhii sonca. Artykuł pra heta vyjšaŭ u časopisie Nature Energy.
Vykarystoŭvajučy zvyčajnyja pramysłovyja mietady, navukoŭcam udałosia kambinavać soniečnyja elemienty, zroblenyja sa zvyšlohkich palimieraŭ, z tak zvanymi trybahienieratarami, jakija vypracoŭvajuć tok pry kantakcie mietałaŭ ź izalatarami.
Pa słovach navukoŭcaŭ, atrymanuju tkaninu možna vykarystoŭvać u składzie roznych namiotaŭ, firanak i navat adzieńnia. «Tkanina davoli hnutkaja, dychaje, lohkaja i ŭžyvajecca dla roznych metaŭ», — kažuć aŭtary vynachodki. U adnym z ekśpierymientaŭ kavałak tkaniny, vysunuty z akna aŭtamabila, jaki ruchajecca, zaradžaŭ bytavy kandensatar jomistaściu 2 mkF da napruhi 2 V.
