Ministr zamiežnych spraŭ Uładzimir Makiej uznačalić biełaruskuju delehacyju na 71-j siesii Hienieralnaj asamblei AAN, paviedamiŭ pres-sakratar MZS Dźmitryj Mirončyk 15 vieraśnia na bryfinhu ŭ Minsku.
Pavodle jaho słoŭ, 71-ja siesija Hienasamblei AAN pačała pracu 13 vieraśnia ŭ štab-kvatery ŭ Ńju-Jorku, 20 vieraśnia pačnucca ahulnyja sprečki.
Makiej voźmie ŭdzieł u pasiadžeńni vysokaha ŭzroŭniu Hienasamblei pa pytańni mihrantaŭ i biežancaŭ, mierapryjemstvie vysokaha ŭzroŭniu pa vykanańni metaŭ ŭstojlivaha raźvićcia, ministerskaj sustrečy hrupy prychilnikaŭ krain ź siarednim uzroŭniem dachodu, a taksama praviadzie šerah sustreč z kiraŭnictvam AAN i kiraŭnikami delehacyj inšych krain.
«Pryjarytetnymi pytańniami ŭ pracy biełaruskaj delehacyi ź`iaŭlajucca ŭ tym liku daviadzieńnie da suśvietnaj supolnaści ab`iektyŭnaj infarmacyi ab źniešniaj i ŭnutranaj palitycy biełaruskaj dziaržavy, umacavańnie mižnarodnaha lidarstva Biełarusi ŭ pytańniach farmiravańnia hłabalnaha partniorstva ŭ baraćbie z handlem ludźmi, dalejšaje raźvićcio dziejnaści hrupy siabroŭ siam`i pa prasoŭvańni intaresaŭ tradycyjnaj siam`i ŭ AAN, prasoŭvańnie intaresaŭ krain ź siarednim uzroŭniem dachodu, a taksama inicyjatyŭ i prapanoŭ, źviazanych ź sistemnym padychodam da enierhietyki ŭ AAN i z pytańniami dastupnaści pieradavych enierhietyčnych technałohij, uklučajučy novyja i adnaŭlanyja krynicy enierhii», — skazaŭ Mirončyk.
