U Estonii pad Chaapsału znojdzieny trup Mikałaja Tarankova, jakoha ličać lidaram złačynnaha śvietu krainy. Pra heta paviedamlaje Lenta.ru sa spasyłkaj na ERR.
Pa infarmacyi vydańnia, źviestki ab zabojstvie paćvierdzili ŭ pravaachoŭnych orhanach. «Trup 63-hadovaha Mikałaja Tarankova byŭ znojdzieny kala 14-j hadziny ŭ Laane», — skazała kiraŭnica Centralnaj kryminalnaj palicyi Krysta Aas. Jana paviedamiła, što jaho cieła z traŭmaj hałavy znajšli ŭ pryparkavanym u lesie aŭtamabili.
Pry hetym, jak mienavita byŭ zabity Tarankoŭ, vartavyja paradku nie paviedamlajuć.
Ananimnaja krynica raspaviała ERR, što zabojstva Tarankova nie było niečakanaściu. Pavodle jaho słoŭ, pazicyi zavadatara złačynnaj supolnaści ŭ apošni čas sasłabli. «I chtości vyrašyŭ hetym skarystacca. Ciapier idzie pieradzieł śfier upłyvu», — dadaŭ surazmoŭca vydańnia.
Tarankoŭ, uradženiec Mahilova, pierajechaŭ u Estoniju ŭ 1973 hodzie.
