Rasija i Biełaruś nie damovilisia ab canie na haz. Pra heta RIA «Novosti» pieradaje 14 vieraśnia, sa spasyłkaj na daradcu-pasłańnika biełaruskaha pasolstva ŭ RF Juryja Jaraševiča.
Reuters.com
«Pieramovy, u jakich udzielničali vice-premjery Uładzimir Siamaška i Arkadź Dvarkovič, zaviaršylisia biezvynikova. Nie zmahli damovicca», — patłumačyŭ surazmoŭca infarmahienctvy.
12 vieraśnia Alaksandr Łukašenka daručyŭ Siamašku na praciahu dvuch dzion damovicca z rasijskim bokam ab padpisańni pratakołu datyčna cany enierhanośbitaŭ dla respubliki.
Roznahałośsi ab canie rasijskaha hazu pamiž Minskam i Maskvoj źjavilisia ŭ pačatku 2016 hoda. Tady biełaruski premjer-ministr Andrej Kabiakoŭ zajaviŭ, što tysiača kubamietraŭ enierhanośbita pavinna kaštavać 80 dalaraŭ, a nie 132 dalary (dziejučaja cana dla Biełarusi). Doŭh Biełarusi za pastaŭlenaje Rasijaj paliva za pieršaje paŭhodździe pieravyšaje 270 miljonaŭ dalaraŭ.
Błakitnaje paliva na terytoryju Biełarusi pastaŭlaje stoadsotkavaja «dačka» «Hazproma» — kampanija «Hazprom transhaz Biełaruś».