Mikałaj Ułachovič, pałkoŭnik u adstaŭcy, nazyvaje siabie «narodnym hienierałam». Staršynia Biełaruskaj patryjatyčnaj partyi i viarchoŭny ataman RHA «Biełaruskaje kazactva», były kandydat u prezidenty, deputat Pałaty pradstaŭnikoŭ raspavioŭ pra ruski śviet i biełaruskuju movu.
«Da apošniaha nichto nie viedaŭ, chto vyjhraje. Usie try ideałohii zmahalisia da kanca: BNF — nacyjanalnaja ideałohija, partyja Zadniapranaha — budaŭnictva ruskaha śvietu i naša — patryjatyčnaja.
Chutka buduć viadomyja i inšyja siabry našaj partyi. Jany aktyŭnyja maładyja ludzi, nie čynoŭniki i ni ŭ jakim razie nie kazački.
Sapraŭdnych biełaruskich kazakoŭ vielmi mała ŭ partyi. Jany da partyjnaj dziejnaści mlava staviacca.
Ja suprać ruskaha śvietu. A navošta jon nam patrebny? My možam i tak z Rasijaj siabravać. Heta palityzacyja našaha hramadstva.
My nie pavinnyja budavać ruski śviet, ale pavinnyja ŭ miry žyć z Rasijaj. Viadoma, nam ruskija bližejšyja, čym japoncy. Ale kiraŭnik dziaržavy pravilna kaža, što my z Polščaj, ź Litvoj, z Łatvijaj i Ukrainaj pavinnyja siabravać.
U nas iduć niejkija sprečki. Voś my za ściah zmahajemsia. Što zmahacca za toj ściah? Tamu jaki ściah? Heta ž nie ideja! Za biełaruskuju movu — kali łaska. Chto pieraškadžaje razmaŭlać na biełaruskaj movie? Ja pavažaju Trusava i Anisim za toje, što jany prapaviedniki biełaruskaj movy. Nu tak, ja ŭ tym uzroście, kali mnie ŭžo pozna pieravučvacca z ruskaj na biełaruskuju. Ale dzieci maje, unuki pavinnyja jaje viedać.
Ja za nazapašvalnuju sistemu piensii. Kali ŭ čałavieka vialikaja zarpłata i staž, jon nie pavinien roŭnuju piensiju ź inšymi atrymlivać. Voźmiem vajskoŭcaŭ, chaj na mianie kryŭdziacca. Raniej było inšaje žyćcio. Ciapier vajenny čałaviek — jon na terytoryi 300 km. U nas ciapier niama Paŭnočnaha polusa, niama Savieckaj havani, dzie ja byŭ, niama Salecharda i Dalokaha Uschodu. Tamu voś takim katehoryjam rabotnikaŭ treba pierahledzieć. Da kožnaha asobnaha vypadku treba piersanalna padychodzić.
Alenu Anisim ja padtrymlivaju na 90 adsotkaŭ.
Kali pačałasia zavarucha va Ukrainie, ja nivodnaha kazaka nie adpraviŭ ni ŭ ATA, ni ŭ DNR. Naadvarot, adrazu skazaŭ: jak čałaviek utrymać ciabie nie mahu, ale ty parušyš zakon. I paśla hetaha vychodzić zakon ab udziele ŭ bajavych dziejańniach. I my tut taksama prykłali ruku da hramadskaj dumki.
Ja b skazaŭ: kuplajcie biełaruskaje, dumajcie pa-biełarusku, čytajcie pa-biełarusku i vyvučajcie biełaruskuju movu».
