Pad samy kaniec akcyi, kali ŭdzielniki jašče nie razyšlisia, piaciora pravakataraŭ pačali špurlać jajkami ŭ natoŭp. Praz paru siekund jany kinulisia naŭcioki. Dahaniać ich pabiehli niekalki ŭdzielnikaŭ akcyi, adzin z žurnalistaŭ «NN», a taksama dvoje milicyjantaŭ, vielmi niezadavolenych takim pavarotam spravy.
Na videa spačatku pakazany momant źjaŭleńnia ŭ kałonie pravakataraŭ — apieratarka «NN» źniała ich kala Pałaca Prafsajuzaŭ. Paśla hetaha iduć kadry, dzie tyja ž samyja ludzi kidajuć u natoŭp jajki i ŭciakajuć.
Pravakatary, mierkavana, prystroilisia da kałony kala Pałaca Prafsajuzaŭ. Užo tady jany padalisia niekatorym padazronymi, bo ŭ ciopły žnivieński viečar usie byli apranutyja ŭ kurtki z kapturami.
19:35
Jak pieradaje žurnalist «NN», pahonia praciahvajecca, dabiehli ŭžo da praśpiekta Dziaržynskaha. Adzin ź milicyjantaŭ pazyčyŭ u niejkaha minaka rovar i pajechaŭ u pakazanym kirunku, kudy mierkavana źviarnuli dvoje pravakataraŭ.
Pavodle źviestak druhoha reparciora «NN», adzin z naziralnikaŭ pravaabarončaha centra «Viasna» mieŭ z saboj rovar i taksama pajechaŭ dahaniać pravakataraŭ. Ź jaho słoŭ, usie jany ŭskočyli ŭ niejki sini bus, jaki stajaŭ pobač z budynkam univiersiteta. Takim čynam, pakazańni razychodziacca.
19:45
Na pytańnie karespandenta, čamu nie spracavała ačapleńnie, milicyjanty skazali, što «rassłabilisia», bo akcyja ŭžo skončyłasia, a asnoŭnaja ŭvaha da taho, što adbyvajecca, była padčas šeścia. Na pytańnie, ci była pierad akcyjaj u milicyi infarmacyja pra mahčymyja pravakacyi, jany adkazali, što nie było, i kali b jany niešta viedali, to nie dapuścili b takoha.
Jajki trapili ŭ ludziej. Heta baluča i vielmi niepryjemna
19:50
Pavodle źviestak śviedkaŭ, kali adzin z udzielnikaŭ akcyi spytaŭ kamandzira minskaha AMAPu Bałabu, ci buduć łavić pravakataraŭ, toj pa-biełarusku adkazaŭ: «Ty što, nie bačyš?» Tym časam bolšaść supracoŭnikaŭ siłavych struktur prosta stajali i ŭśmichalisia.
Milicyjanty ŭ cyvilnym
20:00
Karespandent «NN» paprasiŭsia ŭ mašynu da milicyjantaŭ, kab praciahnuć udzieł u pahoni. Tyja z uśmieškaj admovili, kažučy, što, maŭlaŭ, transpart u ich dla supracoŭnikaŭ albo dla zatrymanych, a zatrymlivać reparciora im niešta nie chočacca…
