Alaksandr Łukašenka pavinšavaŭ prezidenta Ukrainy Piatra Parašenki z Dniom Niezaležnaści Ukrainy, paviedamili ŭ pres-słužbie biełaruskaha lidara.
«Šmathadovaje plonnaje supracoŭnictva Respubliki Biełaruś i Ukrainy niaźmienna charaktaryzujuć pavahu, padtrymku i ŭzajemnaje imknieńnie da ŭmacavańnia dobrych, siabroŭskich stasunkaŭ», - havorycca ŭ vinšavańni.
Prezident vykazaŭ upeŭnienaść, što vysoki ŭzrovień biełaruska-ŭkrainskaha ŭzajemadziejańnia, kanstruktyŭny i adkryty dyjałoh atrymajuć dalejšaje raźvićcio na karyść biełaruskaha i ŭkrainskaha narodaŭ.
Alaksandr Łukašenka pažadaŭ Piatru Parašenku mocnaha zdaroŭja, ščaścia i pośpiechaŭ u jaho adkaznaj dziejnaści, a narodu brackaj Ukrainy - miru i praćvitańnia.
0
0
0
0
0
0