Varšaŭskaja «Lehija» ŭčora viečaram zavajavała prava vystupić u hrupavym raŭndzie futbolnaj Lihi čempijonaŭ. Pa sumie dvuch matčaŭ polski kłub adoleŭ irłandski «Dandałk» — 0:2 (tydzień tamu u haściach), 1:1 (učora doma).
Toj samy «Dandałk», jaki vybiŭ z ŁČ barysaŭski BATE.
Apošni raz polski kłub hulaŭ u hrupavym raŭndzie Lihi čempijonaŭ u siezonie 1995-1996 hh., i heta była akurat «Lehija».
Kamanda hulała ŭ adnoj hrupie z maskoŭskim «Spartakom», «Błekbernam» i «Rusenborham», pieramahła ŭ dvuch matčach, adzin zhulała ŭničyju, try prajhrała i zaniała 3-je miesca ŭ hrupie.
***
A što BATE? BATE budzie zaŭtra zmahacca za prava vystupić u hrupavym raŭndzie Lihi Jeŭropy. Tydzień tamu ŭ Astanie biełarusy prajhrali 0:2.
Matč BATE — «Astana» projdzie ŭ čaćvier na «Barysaŭ-Arenie». Pačatak u 21:00.
