Kitajski turyst pravioŭ amal dva tydni ŭ mihracyjnym centry ŭ vakolicach niamieckaha Dortmunda. Jon chacieŭ zajavić ab kradziažy kašalka, ale zamiest palicyi źviarnuŭsia ŭ mihracyjnuju słužbu i z pamyłki zarehistravaŭsia ŭ jakaści biežanca.
31-hadovy ŭradženiec Kitaja, jaki nie vałodaje ni niamieckaj, ni anhlijskaj movaj, zapoŭniŭ usie nieabchodnyja ankiety, prajšoŭ miedycynski ahlad i zdaŭ adbitki palcaŭ. Zatym u jaho kanfiskavali pašpart z šenhienskaj vizaj i raźmiaścili jaho ŭ časovym prytułku dla mihrantaŭ.
Mužčyna ŭspryniaŭ toje, što adbyvajecca, pakorliva. Jaho karmili i davali hrošy na kišennyja vydatki.
Vypravić pamyłku atrymałasia dziakujučy supracoŭniku miascovaha adździaleńnia Čyrvonaha Kryža, jaki zaŭvažyŭ, što inšaziemiec nie padobny da biežanca.
Kančatkova rastłumačyŭ situacyju pierakładčyk z kitajskaj — vyśvietliłasia, što mužčyna samastojna padarožničaŭ pa Jeŭropie, paśla Hiermanii źbiraŭsia naviedać Italiju i Francyju, ale jaho padviało niaviedańnie moŭ.
U vyniku zajava na pradastaŭleńnie prytułku była anulavanaja, i turystu dazvolili praciahnuć padarožža. Jak pieradaje niamiecki telekanał WDR, mužčyna nie vykazaŭ nijakaha abureńnia, skazaŭšy tolki, što ŭjaŭlaŭ sabie Jeŭropu zusim pa-inšamu.