Fota BiełTA
Biełaruski rubiel asłabieŭ da ŭsich asnoŭnych valut na tarhach Biełaruskaj valutna-fondavaj biržy 3 žniŭnia.
Kurs dołara vyras na 0,0012 rubla, abo na 0,06%, i skłaŭ 1,9928 rubla.
Kurs jeŭra vyras na 0,0047 rubla (0,21%) da 2,2331 rubla.
Kurs rasijskaha rubla (za 100 adzinak) vyras na 0,0061 rubla (0,2%) i skłaŭ 2,9824 biełaruskaha rubla za 100 rasijskich.
Biełaruski rubiel reahuje na dynamiku kursu rasijskaha rubla, jaki, u svaju čarhu, źviazany sa źmianieńniem cen na naftu.
Jak paviedamili ŚMI, ceny na naftu ŭ sieradu źnižajucca, bo lišak prapanovy i niaŭpeŭnieny rost ekanomiki praciahvajuć rabić nacisk na rynak.
Blizu 9.15 maskoŭskaha času fjučarsy na naftu WTI patańnieli da 39,48 dołara za baral, što na 0,08% nižej za papiaredniaje zakryćcio. Fjučarsy na naftu Brent u hety čas tarhavalisia blizu adznaki 41,75 dołara za baral (na 0,12% nižej za papiaredniaje zakryćcio).
Siarednieŭzvažany kurs dołara da rubla raźlikami «zaŭtra» na adzinaj handlovaj siesii Maskoŭskaj biržy, na padstavie jakoha ŭstanaŭlivajecca aficyjny kurs Centrabanka RF, na 11.30 maskoŭskaha času sierady źniziŭsia na 13,96 kapiejki, skłaŭšy 66,7420 rubla.
