Mahčymyja vydatki z-za niaštatnaj situacyi z korpusam reaktara na Biełaruskaj AES budzie nieści hienpadradčyk ŭ adpaviednaści z hienieralnym kantraktam, paviedamiŭ siońnia namieśnik ministra enierhietyki Biełarusi Michaił Michadziuk.
«Niaštatnaja situacyja adbyłasia pry vykanańni hienieralnym padradčykam rabot na placoŭcy, usie vydatki pavinien nieści hienpadradčyk u adpaviednaści z umovami hienieralnaha kantrakta», — skazaŭ Michadziuk.
Datyčna mahčymaj karekciroŭki hrafika rabot na placoŭcy AES z-za niaštatnaj situacyi namieśnik ministra padkreśliŭ, što nieabchodna dačakacca vynikaŭ raboty ekśpiertaŭ — biełaruskich śpiecyjalistaŭ. «U zaležnaści ad hetaha hienpadradčykam budzie karektavacca hrafik vykanańnia rabot», — rastłumačyŭ jon.
Michadziuk taksama paćvierdziŭ infarmacyju «Rasatama», što rabotniki subpadradnaj arhanizacyi, vinavatyja ŭ parušeńni, jakoje pryviało da niaštatnaj situacyi, adchilenyja ad rabot na placoŭcy ŭźviadzieńnia Biełaruskaj AES.
