Jak paviedamiła pres-słužba Hrodzienskaha abłasnoha ŭpraŭleńnia MNS, 17 lipienia ŭ 17.21 vidavočca paviedamiŭ u słužbu «101» ab pažary ŭ Śviata-Hieorhijeŭskim chramie Hrodzienskaj jeparchii ŭ vioscy Niekrašy Hrodzienskaha rajona.
Da miesca vykliku byli nakiravany siem pažarnych raźlikaŭ — sa Skidala i Azior, a taksama z Kamienki Ščučynskaha i Łunna Mastoŭskaha rajona, abłasnoha centra. Pieršyja adździaleńni ratavalnikaŭ byli na miescy zdareńnia ŭžo praz šeść chvilin i likvidavali adkrytaje hareńnie na haryščy chrama vyšynioj šeść mietraŭ. Usiaho na likvidacyju ŭzharańnia spatrebiłasia kala hadziny.
Ahniom paškodžany dach na płoščy 70 kv. m, 140 kv. m pierakryćcia, zakurany ścieny, stol. Majomaść nie paškodžana, ludzi nie paciarpieli.
Jak miarkujecca, pryčyna pažaru — razrad małanki.
Viadoma, što budaŭniča-mantažnyja raboty ŭ carkvie prypynienyja ŭ 2008—2009 hodzie i nabaženstvy tut nie pravodzilisia.
