Fota Vadzima Zamiroŭskaha, Tut.by
Pra heta paviedamili ŭ słužbie hidramietearałahičnych prahnozaŭ Respublikanskaha hidramietcentra.
Hetaj nočču pa ŭschodzie Biełarusi čakajucca daždžy, u asobnych rajonach mocnyja daždžy, miescami prahrymiać navalnicy. Dniom 19 lipienia ŭ asobnych rajonach krainy taksama nie abydziecca biez karotkačasovych daždžoŭ, mahčymy navalnicy.
Tempieratura pavietra minimalnaja nočču składzie + 10 … + 16°S, maksimalnaja dniom budzie + 17 … + 23°S.
U sieradu, 20 lipienia, nočču miescami projduć karotkačasovyja daždžy. Dniom terytoryja Biełarusi apyniecca pad upłyvam aktyŭnych frantalnych raździełaŭ ad cykłonu, jaki źmiaščajecca ŭzdoŭž uschodnich miežaŭ našaj krainy. Čakajecca paharšeńnie ŭmoŭ nadvorja, na bolšaj častcy terytoryi daždžy, pa paŭnočna-ŭschodniaj pałovie Biełarusi mocnyja daždžy, u asobnych rajonach vielmi mocnyja daždžy, miescami prahrymiać navalnicy, mahčymy hrad. Nočču miescami, dniom u mnohich rajonach mocny paryvisty viecier.
Tempieratura pavietra minimalnaja nočču + 9 … + 15°S, maksimalnaja dniom + 16 … + 23°S.
U čaćvier, 21 lipienia, jašče zachavajecca ŭpłyŭ aktyŭnych atmaśfiernych frantoŭ. Nočču na bolšaj častcy terytoryi Biełarusi daždžy, u mnohich rajonach mocnyja daždžy. Dniom karotkačasovyja daždžy. Miescami navalnicy, uzmacnieńnie vietru paryvami da 15-20 m/s, dniom mahčymy hrad.
Tempieratura pavietra minimalnaja nočču + 11 … + 17°S, maksimalnaja dniom + 16 … + 23°S.
U piatnicu, 22 lipienia, na bolšaj častcy terytoryi krainy čakajucca karotkačasovyja daždžy. Miescami navalnicy. Tempieratura pavietra minimalnaja nočču + 13 … + 18°S, maksimalnaja dniom + 18 … + 25°S.
Da vychodnych nadvorje źlohku palepšycca.
23-24 lipienia miescami projduć karotkačasovyja daždžy, navalnicy. Tempieratura pavietra minimalnaja nočču + 10 … + 17°S, maksimalnaja dniom + 20 … + 27°S.
