Śledčyja orhany zatrymali 29-hadovaha žychara Białynickaha rajona, jaki padazrajecca ŭ zabojstvie 61-hadovaha piensijaniera, invalida pieršaj hrupy.
5 lipienia cieła zabitaha pieršaj vyjaviła žycharka ahraharadka Višoŭ Białynickaha rajona. Śledča-apieratyŭnaja hrupa, jakaja prybyła na miesca złačynstva, pry vonkavym ahladzie cieła vyjaviła množnyja ranki, pierałomy i kołatyja rany. Śledčyja zabrali małatok i ćviki jak rečavyja dokazy pa spravie.
Praviedzienaja daktyłaskapičnaja i trasałahičnaja ekśpiertyza pa śladach ruk i abutku dazvoliła ŭstanavić asobu padazravanaha. Im akazaŭsia raniej nieadnarazova sudzimy žychar Białynickaha rajona 1987 hoda naradžeńnia.
Pry dopycie zatrymany pryznaŭsia śledčym u zroblenym i rastłumačyŭ, što ŭčyniŭ asabliva ciažkaje złačynstva na hlebie svarki, jakaja ŭźnikła pamiž im i paciarpiełym.
U dačynieńni da padazravanaha prymieniena miera strymańnia ŭ vyhladzie zaklučeńnia pad vartu.