Dziaržaŭtainśpiekcyja prapanavała varyjanty abjezdu zakrytaha ŭ Minsku ŭ suviazi z budaŭnictvam mietrapalitena ŭčastka vulicy Kłary Cetkin.
Jak paviedamiła pres-słužba UDAI Minharvykankama, dla abjezdu pry ruchu ŭ centralnuju častku horada rekamiendujecca vykarystoŭvać maršrut: zavułak Damašeŭski — vuł. K.Libkniechta — 2-hi zavułak Rozy Luksiemburh z vyjezdam na praśpiekt Dziaržynskaha. Pry ruchu z centralnaj častki horada lepš za ŭsio vykarystoŭvać vuł. M.Bahdanoviča, pr-t Mašerava, a taksama pr-t Pieramožcaŭ.
Vulicu Karala na ŭčastku ad vuł. Niamiha da vuł. Kalvaryjskaj niemetazhodna vykarystoŭvać dla tranzitnaha ruchu ŭ suviazi z tym, što na skryžavańni vuł. Karala z vulicaj Suchaja viaducca raboty pa budaŭnictvie treciaj linii mietrapalitena.
DAI taksama nahadvaje, što pa vuł. Karala na ŭčastku ad vuł. K.Cetkin da vuł. Drazda ustanoŭleny darožnyja znaki 3.27 «Spynieńnie zabaronienaje» ŭ suviazi ź nieabchodnaściu ruchu pa hetaj vulicy bujnahabarytnaj techniki. Dla pavieličeńnia prapusknoj zdolnaści darohi takija ž znaki raźmieščanyja na vuł. Drazda. DAI zaklikaje vadzicielaŭ nie parkavać transpartnyja srodki na nazvanych učastkach. U advarotnym vypadku aŭtamabili buduć evakuiravanyja.
Z 4 lipienia aryjencirovačna da 1 kastryčnika zakryty ruch transpartnych srodkaŭ na vuł. K.Cetkin na učastkach ad pł. Bahuševiča da vuł. K.Libkniechta i ad vuł. Karala da vuł. Kalvaryjskaj.
