Reuters.com
Achviarami vybuchaŭ u aeraporcie Ataciurk stali 36 čałaviek, mnohija paranieny, zajaviŭ premjer-ministr Turcyi Binali Jyłdyrym, pieradaje Reuters. Pavodle słoŭ premjer-ministra, siarod zahinułych mohuć być zamiežniki.
Jyłdyrym padkreśliŭ toj fakt, što ataka ŭ aeraporcie Stambuła adbyłasia ŭ toj čas, jak Turcyja dasiahaje pośpiechu ŭ baraćbie z terarystami. Pa słovach premjera, vybuchi ŭ aeraporcie pakazali, što teraryzm — hłabalnaja pahroza.
Jyłdyrym taksama raspavioŭ niekatoryja padrabiaznaści ataki. Pavodle jaho słoŭ, u napadzie ŭdzielničali try terarysty-śmiarotniki, jany pryjechali da aeraporta na taksi. Usie troje adkryli ahoń sa zbroi, jakuju prynieśli z saboj, a zatym padarvali siabie. Pavodle słoŭ premjer-ministra, ułady Turcyi padazrajuć, što za atakaj staić hrupoŭka «Isłamskaja dziaržava».