Ministerstva achovy zdaroŭja raskazała ab praviłach biaśpiečnaha kupańnia. Adpaviednaja infarmacyja raźmieščanaja na sajcie viedamstva.
Kupacca treba pry tempieratury vady nie nižejšaj za 18 hradusaŭ i pry jasnym biaźvietranym nadvorji, kali pavietra prahrełasia da 25 i bolš hradusaŭ. Nie rekamiendujecca leźci ŭ vadu raniej, čym praz 1,5 hadziny paśla ježy. Nie varta ŭvachodzić u vadu stomlenym, razharačanym. Tym, chto drenna płavaje, nie treba daviarać nadzimanym matracam i kruham — jany mohuć akazacca niaspraŭnymi.
Znachodziačysia ŭ vadajomie, treba prytrymlivacca prostych, ale vielmi važnych pravił. Apynuŭšysia ŭ vadzie na mocnaj płyni, nie treba sprabavać płyć suprać jaje. U hetym vypadku płyvicie pa ciačeńni, ale tak, kab pastupova nabližacca da bieraha. «Kali vy trapili ŭ vir, nabiarycie bolš pavietra, nyrnicie i pastarajciesia rezka źviarnuć ubok ad jaho. Kali skurčyć sutarhaj myšcy, pieraviarniciesia na śpinu i płyvicie da bieraha, pastarajciesia pry hetym raścierci źviedzienyja myšcy», — rekamiendujuć śpiecyjalisty.
U viedamstvie papiaredžvajuć, što padavać kryki biespadstaŭnaj tryvohi nielha. A ŭ vypadku nieabchodnaści nie treba saromiecca paklikać na dapamohu.
