Biełaja formiennaja kašula kansjerža Džeja Hastynhsa pradadzienaja na aŭkcyjonie za $41 tysiaču, paviedamlaje The Daily Mail. Adzieńnie Hastynhsa zachavała reštki kryvi ŭdzielnika The Beatles Džona Lenana — u viečar zabojstva muzykanta Džej apynuŭsia pobač ź im i sprabavaŭ dapamahčy jamu.
Pieršapačatkovaja cana łota składała $9,3 tysiačy. Viadoma, što były kansjerž bolš za 30 hadoŭ zachoŭvaŭ kašulu, nie advažvajučysia nikomu pra jaje raskazać. Paviedamlajecca, što kroŭ vidać na hrudziach i rukavach adzieńnia.
Taksama Haścinhs vystaviŭ na aŭkcyjon płaścinku Double Fantasy z asabistym podpisam «Džeju. Ź luboŭju ad Džona Lenana i Joka Ona».
Nahadajem, Džona Lenana zastrelili 8 śniežnia 1980 hoda niepadaloku ad jaho doma ŭ Ńju-Jorku. Džej Haścinhs doŭhi čas pracavaŭ u domie, dzie Džon Lenan žyŭ sa svajoj žonkaj Joka Ona.
