Bujnyja ŭniviermahi i handlovyja centry Minska praviaduć u lipieni dni źnižak, paviedamiła pres-sakratar hałoŭnaha ŭpraŭleńnia spažyvieckaha rynku Minharvykankama Nastaśsia Prymaka.
Handlovy dom «Na Niamizie» pradastavić pakupnikam 20-pracentnuju źnižku na tavary pa sieradach — 13, 20 i 27 lipienia, HUM — pa čaćviarhach (14 i 28 lipienia). Uładalniki dyskontnych kartak HUMa zmohuć nabyć niecharčovyja tavary na 22 pracenty tańniej i charčovyja - na 7% z 20 pa 22 lipienia. Univiermah «Biełaruś» budzie daryć źnižku 20% pa aŭtorkach — 12, 19 i 26 lipienia.
Nabyć tavar tańniej na 17% minčanie i hości stalicy mohuć u CUMie pa čaćviarhach — 14 i 28 lipienia. Źnižku 15% pradastavić pakupnikam «Kirmaš» pa sieradach (6, 13, 20 i 27 lipienia), uładalnikam dyskontnych kartak padorać 20-pracentnuju źnižku 8 i 22 lipienia. Mahaziny handlovaha centra «Stalica» 9 i 23 lipienia prapanujuć źnižki da 50%.
