Ruch transpartu budzie abmiežavany ŭ Minsku z 29 červienia pa 2 lipienia z-za praviadzieńnia trenirovak maładziožna-spartyŭnaha teatralizavanaha šeścia da Dnia Niezaležnaści Biełarusi, paviedamili va UDAI HUUS Minharvykankama.
U suviazi z treniroŭkami šeścia abmiažujuć ruch usich transpartnych srodkaŭ na ŭčastku praśpiekta Mašerava ad vulicy Daŭmana da praśpiekta Pieramožcaŭ. 29 červienia treniroŭka budzie prachodzić z 19.00 da 22.00, 30 červienia i 1 lipienia — z 13.00 da 17.00, a 2 lipienia darohu pierakryjuć z 11.00 da 17.00.
Va UDAI paviedamili, što z 14.00 29 červienia da 7.00 30 červienia i z 14.00 2 lipienia da zakančeńnia śviatočnych mierapryjemstvaŭ budzie zabaronienaja parkoŭka aŭtatranspartu na vulicy Hvardziejskaj ad praśpiekta Mašerava da praśpiekta Pieramožcaŭ. Taksama zabaroniać stajanku aŭtatranspartu na vulicy Ihnacienki ad vulicy Hrybajedava da praśpiekta Pieramožcaŭ, na vulicy Hrybajedava ad praśpiekta Mašerava da vulicy Ihnacienki, na vulicy Tarchanava ad vulicy Hvardziejskaj da vulicy Hrybajedava. Nielha budzie pryparkavacca i na stajancy kala doma №41 na praśpiekcie Pieramožcaŭ (pobač z chimčystkaj «Źziańnie»).
Taksama zabaroniać parkoŭku aŭtatranspartu pa praśpiekcie Mašerava ad vulicy Maksima Bahdanoviča da vulicy Cimirazieva i pa vulicy Sapioraŭ ad vulicy Cimirazieva da praśpiekta Pieramožcaŭ.
DAI prosić aŭtaŭładalnikaŭ zahadzia pradumvać svoj maršrut, a taksama nie pakidać svaje transpartnyja srodki na nazvanych učastkach daroh.
