Uładzimir Pucin atrymaŭ ad prezidenta Turcyi Redžepa Erdahana prabačeńni za hibiel piłota rasijskaha Su-24, śćviardžaje pres-sakratar Kramla Dźmitryj Piaskoŭ.
Reuters
Jak zajaviŭ pradstaŭnik prezidenta, Erdahan choča adnavić adnosiny z Rasijaj i zaklikaje Uładzimira Pucina pracavać nad hetym.
Jak havorycca ŭ aficyjnym paviedamleńni Kramla, u liście Erdahana havorycca, što ŭ Turcyi «nikoli nie było žadańnia i śviadomaha namieru źbić samalot, jaki naležyć Rasijskaj Fiederacyi».
U pasłańni taksama adznačajecca, što ŭ dačynieńni da hramadzianina Turcyi, imia jakoha asacyjujecca sa śmierciu rasijskaha piłota, pačata i viadziecca sudovaje daśledavańnie.
Jak paviedamlaje RIAN, siońnia turecki sud vyzvaliŭ pad padpisku ab niavyjeździe Alparsłana Čelika, jaki abvinavačvajecca ŭ zabojstvie rasijskaha piłota. Raniej MZS Rasii nieadnarazova patrabavaŭ dla Čelika strohaha pakarańnia.
«Sudździa pryniaŭ rašeńnie vyzvalić Čelika i astatnich abvinavačanych pad padpisku ab niavyjeździe. Nastupnaje pasiadžeńnie suda adbudziecca 4 listapada», — cytuje RIA advakata Čelika.
Ciapier u dačynieńni da Čelika adkrytaja novaja sprava, paviedamlaje tureckaja «Džumchuryjet».
