Pamior viadomy artyst teatra Raścisłaŭ Jankoŭski.
Jankoŭskamu było 86 hadoŭ. Jon mieŭ zvańni Zasłužanaha i Narodnaha artysta BSSR, Narodnaha artysta SSSR (1978).
Jon naradziŭsia ŭ 1930 u Adesie ŭ siamji šlachcica ź biełaruska-polskimi karaniami.
U Biełaruś pierajechaŭ ź siamjoj u 1957 i pracavaŭ u Ruskim teatry.
Jahony brat Aleh Jankoŭski byŭ papularnym artystam savieckaha i rasijskaha kino.
Raścisłaŭ Jankoŭski byŭ deputatam pryznačanaha kamunistami Viarchoŭnaha Savieta BSSR (1985—1990). U palityčnych sprečkach 90-ch jon ustaŭ na bok Alaksandra Łukašenki. U 2000-m, praz hod paśla źniknieńnia lidaraŭ apazicyi Hančara i Zacharanki, Jankoŭski pahadziŭsia stać členam Savieta Respubliki.
Siarod jahonych apošnich spraŭ było kiravańnie žury kinafiestyvalu «Listapad». Siarod jahonych apošnich značnych rolaŭ — śpiektakl «Panie Kachanku».
