Namieśnik ministra ŽKH vyzvaleny ad pasady «ŭ suviazi z ŭčynkam, niesumiaščalnym sa znachodžańniem na dziaržaŭnaj słužbie». Adpaviednaja pastanova Savieta ministraŭ № 455 ad 13 červienia 2016 hoda. była apublikavana 16 červienia byŭ na Nacyjanalnym pravavym internet-partale
«Šahuna Anatola Vasiljeviča vyzvalić ad pasady namieśnika ministra žyllova-kamunalnaj haspadarki Respubliki Biełaruś u suviazi sa ździajśnieńniem ŭčynku, niesumiaščalnaha sa znachodžańniem na dziaržaŭnaj słužbie», - havorycca ŭ pastanovie.
Na sajcie ministerstva ŽKH u śpisie kiraŭnictva viedamstva Anatola Šahuna ŭžo niama. Tym nie mienš, jašče 15 červienia jon prymaŭ udzieł u jakaści namieśnika ministra ŽKH u kanfierencyi, pryśviečanaj kamunalnym adkidam, arhanizavanaj vydańniem «SB-Biełaruś siehodnia».
Z čym źviazana adstaŭka namieśnika ministra, nie paviedamlajecca.
Nahadajem, 4 maja Śledčy kamitet paviedamiŭ ab zaviaršeńni rasśledavańnia kryminalnaj spravy ŭ dačynieńni da šaści słužbovych asob sistemy ŽKH, u tym liku i namieśnika ministra viedamstva — jaho proźvišča nie zhadvałasia. Namieśniku ministra było vystaŭlenaje abvinavačvańnie ŭ złoŭžyvańni ŭładaj i słužbovymi paŭnamoctvami.
U SK raspaviali, što adno z pradpryjemstvaŭ sistemy ministerstva ŽKH nie vykanała dziaržaŭnuju navukova-techničnuju prahramu ŭ častcy zadańniaŭ pa raspracoŭcy i asvajeńniu vytvorčaści technałahičnaha abstalavańnia, što paciahnuła za saboj nieabhruntavany raschod srodkaŭ respublikanskaha biudžetu na sumu 861 miljon rubloŭ.
