Elizabet Uoren (źleva) i Chiłary Klintan. Fota «Chafinhtan post».
Amierykanskaja presa piša, što vybaram Chiłary Klintan u vice-prezidenty moža stać sienatarka ad štata Masačusets Elizabet Uoren.
Uoren naležyć da levaha kryła Demakratyčnaja partyi, jak i Berni Sanders, jaki supierničaŭ z Klintan za prava bałatavacca. Pry vybary Uoren Klintan pryciahnie hałasy levych i libieralnych vybarcaŭ.
U jakaści patencyjnych vice-prezidentaŭ Klintan razhladaje taksama vybitnych palitykaŭ ź ispanskamoŭnymi karaniami. Heta moža być dziaržsakratar pa pytańniach žytła i haradskoha płanavańnia Chulian Kastra. Takija palityki sabrali b hałasy latinos, ispanskamoŭnych amierykancaŭ, dola jakich za apošnija hady vyrasła, asabliva ŭ paŭdniovych štatach.
Usiaho ŭ šort-liście Klintan kala dziasiatka imionaŭ.
Na vybarach centrystka i prahmatyk Klintan pazmahajecca z papulistam Donaldam Trampam, jaki pieramahaje na pieradvybarach u Respublikanskaj partyi.
Klintan — pieršaja ŭ historyi ZŠA žančyna, jakaja stała kandydatam u prezidenty. Kali running mate on the ticket budzie taksama žančyna, u hetym budzie dola niečakanaści.