6 červienia ŭ Estonii, Polščy, Hiermanii, Šviecyi, Finlandyi i ŭ akvatoryi Bałtyjskaha mora pačalisia vučeńni NATA Baltops-2016. U ich biaruć udzieł bolš za 6 tysiač vajskoŭcaŭ z 17 krain, kala 49 sudoŭ, 60 samalotaŭ i try padvodnyja łodki.
Metaj vučeńniaŭ źjaŭlajecca demanstracyja mahčymaści sumiesnych dziejańniaŭ sajuźnikaŭ i partnioraŭ pa NATA, a taksama demanstracyja krainam rehijonu prychilnaści NATA zabieśpiačeńniu biaśpieki i stabilnaści ŭ rehijonie Bałtyjskaha mora. Treniroŭki projduć va ŭsim śpiektry bajavych dziejańniaŭ na mory, uklučajučy vučeńni sił SPA, adpracoŭku navykaŭ supraćkarabielnych i supraćłodkavaj baraćby, a taksama praviadzieńnie desantnych apieracyj, piša RBK.
Akramia taho, u Estonii, Łatvii i Litvie projduć taksama vučeńni Saber Strike («Udar šabli»), nakiravanyja na adpracoŭku pieramiaščeńnia vajennaj techniki i asabovaha składu praz FRH i Polšču ŭ krainy Bałtyi, a taksama ŭ Rumyniju i Bałharyju, paviedamlaje Newsru.com.
Akramia hetaha, u Polščy pačalisia vučeńni Anakonda-16. Heta najbujniejšyja vajskovyja vučeńni ŭ Polščy z 1989 hoda. U manieŭrach prymajuć udzieł kala 31 tysiačy sałdat z 18 krain NATA i 5 dziaržaŭ - členaŭ prahramy «Partniorstva ŭ imia miru», 3 tysiačy bajavych mašyn, 105 samalotaŭ i viertalotaŭ i 12 sudoŭ, pieradaje «Radyjo Polšča».
Pavodle scenara, pamiž dvuma sajuzami adbyvajecca kanflikt. U adzin z sajuzaŭ uvachodzić Polšča, krainy Bałtyi i inšyja dziaržavy, u druhoj — vydumanyja krainy. Raźvićcio situacyi praduhledžvaje anieksiju vydumanaj dziaržavy, destabilizacyju ŭ rehijonie Bałtyjskaha mora, uzmacnieńnie hibrydnych pahroz i ŭvarvańnie ŭ krainy Bałtyi i Polšču.
U ramkach «Anakondy» płanujucca manieŭry Swift Response («Chutki adkaz»), padčas jakich adbudziecca pierakidka desantu z ZŠA ŭ Jeŭropu.
Vučeńni ŭ Polščy prachodziać pierad samitam NATA ŭ Varšavie, jaki adbudziecca 8-9 lipienia.
