Abvieščany śpis finalistaŭ rasijskaj nacyjanalnaj litaraturnaj premii «Bolšaja kniha». U śpis pretendentaŭ na ŭznaharodu ŭvajšli 11 tvoraŭ.
Siarod finalistaŭ Leanid Juzefovič z knihaj «Zimniaja daroha», Ludmiła Ulickaja z «Leśvicaj Jakava» i biełaruski žurnalist, što pracuje ŭ Maskvie, z knihaj «Ckavańnie» («Travla»).
11 tvoraŭ rada ekśpiertaŭ premii vybrała z 37 knih i rukapisaŭ, jakija ŭvajšli ŭ «doŭhi śpis». Usiaho na atrymańnie premii ŭ 2016 hodzie byli vyłučanyja 252 tvory.
***
«Travla» Sašy Filipienki — historyja žurnalista, jaki rasśleduje złoŭžyvańni ŭłady. Za heta na jaho abvieščana sapraŭdnaje palavańnie. «Mnie chaciełasia zrabić fatahrafiju našaha času, a jana vyjšła nie zusim viasiołaj», - pryznajecca Filipienka.
U pracy Filipienki niečakana jość i historyja pra panamskija afšory, i navat vijałančelist, ale ŭsio supadzieńnia aŭtar nazyvaje vypadkovymi, piša telekanał «Dožd́», rekamiendujučy knihu dla čytańnia ŭletku.
***
Papieńka prohnozirujet nieminujemyj krach obŝiestva potrieblenija, rasskazyvajet o nieeffiektivnosti diemokratii i nastaivajet na nieobchodimosti iźmieniť mir na osnovie pravosłavnych principov. Otviečaja na vopros žurnalistki, papa zajavlajet, čto sankcij nie boitsia, nikakoj niedvižimosti za hraniciej u nieho niet, a jedinstviennoje jeho bohatstvo — Ruś. Dieti śmiejutsia. Mama stanovitsia chmuroj.
cytata z knihi
***
Saša Filipienka naradziŭsia ŭ Minsku ŭ 1984 h. Vučyŭsia ŭ EHU, pracavaŭ na telekanale «Dožd́». Aŭtar ramana «Były syn», u jakim raspaviadajecca pra Minsk u 1999-2010 hh. Historyja pačynajecca ad trahiedyi na Niamizie ŭ mai 1999 h. i skančajecca Płoščaj-2010.
***
Imiony ŭładalnikaŭ premii buduć abvieščanyja nie paźniej za 10 śniežnia 2016 hoda. Łaŭreat pieršaj premii atrymaje hrašovaje ŭznaharodžańnie ŭ pamiery 3 miljonaŭ rasijskich rubloŭ, druhi — paŭtara miljona rubloŭ, treciaj — miljon rubloŭ.
U 2015 hodzie pieršuju premiju «Bolšoj knihi» atrymała Huziel Jachina za raman «Zulejcha raspluščvaje vočy», u jakim raspaviadajecca pra vysyłku ŭ 1930-ja hady ŭ Sibir tatarskaj žančyny.
