18 maja pajšła z žyćcia znany litaraturaznaŭca i piedahoh Lilija Tamašova — čałaviek, dziakujučy jakomu ŭ školnuju prahramu trapili tvory Vasila Bykava. Joj byŭ 91 hod.
Naradziłasia Lilija Tamašova na Viciebščynie, dziacinstva praviała na Kolskaj paŭvyśpie, kudy ŭ pošukach zarobku vypraviłasia jaje siamja.
U 1949 hodzie spadarynia Tamašova skončyła fiłałahičny fakultet BDU i pačała vykładčyckuju dziejnaść. Pa padručnikach i chrestamatyjach, składzienych Tamašovaj, užo try pakaleńni biełaruskich školnikaŭ znajomiacca ź Jankam Kupałam i Jakubam Kołasam, Maksimam Bahdanovičam i Źmitrakom Biadulem, niekalki pakaleńniaŭ nastaŭnikaŭ karystajucca jaje mietadyčkami.
«Časta dziela spraviadlivaści jana prymała rašeńnie z ryzykaj dla reputacyi i žyćcia, — uzhadvajuć svajaki spadaryni Tamašovaj. — U jaje časy nie tolki naviedać represavanaha baćku, pajechać za miažu, ale navat ŭvieści Vasila Bykava ŭ školnuju prahramu było śviedčańniem mužnaści i voli, nieprymirymaha sumleńnia i tonkaha pačućcia. U Lilii Fiodaraŭny byŭ jarki tempieramient, i kali jana pryjazdžała z hłybinki i horača aburałasia stanoviščam biełaruskaha nastaŭnika, stanam viaskovych škoł, — zdavałasia, što ciapier sistema abryniecca. Sumleńnie jaje patrabavała spraviadlivaści».
Pachavali spadaryniu Tamašovu ŭ Karalovym Stanie, pobač z mahiłaj muža.