Pavieł Usanaŭ na fota źleva, tass.ru
U NDI chutkaj dapamohi imia Sklifasoŭskaha pamior bas-hitaryst hurta «Lube» Pavieł Usanaŭ, jaki raniej byŭ špitalizavany ź ciažkaj čerapna-mazhavoj traŭmaj, paviedamlaje ria.ru sa spasyłkaj na pres-słužbu pradziusarskaha centra Ihara Maćvijenki.
«Paša siońnia pamior», — skazaŭ pradstaŭnik pres-słužby.
Infarmacyja pra žorstkaje źbićcio muzykanta ŭ Dźmitraŭskim rajonie Padmaskoŭja pastupiła 2 krasavika. Usanaŭ byŭ špitalizavany ŭ NDI imia Sklifasoŭskaha z množnymi ŭdarami i pierałomam asnovy čerapa. Jaho stan aceńvaŭsia jak vielmi ciažki. Jak raspaviadaŭ lidar «Lube» Mikałaj Rastarhujeŭ, Usanavu była zroblenaja apieracyja, padčas jakoj lekary vydalili hiematomu.
Pa fakcie źbićcia muzykanta była zaviedziena kryminalnaja sprava. 3 krasavika palicyja Maskoŭskaj vobłaści paviedamiła, što padazravany ŭ źbićci bas-hitarysta zatrymany.
Pavieł Usanaŭ naradziŭsia ŭ Novačabaksarsku ŭ 1975 hodzie. Jon skončyŭ Kiraŭskaje vučylišča mastactvaŭ i aśpiranturu Rasijskaj akademii muzyki imia Hniesinych. Bas-hitarystam hurtu «Lube» staŭ u 1996 hodzie.
