U Bierlinie z 1 maja 2016 hoda nabyvajuć moc novyja praviły, pavodle jakich možna zdavać u arendu kvatery. Z hetaha času žycharam stalicy Hiermanii nielha budzie raźmiaščać abjavy ab arendzie kvater na internet-placoŭkach, padobnych Airbnb, bieź śpiecyjalnaha dazvołu ŭładaŭ horada, paviedamlajuć infarmahienctvy.
travelinspire.me
Tym, chto parušyć praviły, pahražaje bujny štraf — 100 000 jeŭra. Adnak hrašovaje pakarańnie zakranie tolki arendadaŭcaŭ, kvateranajmalniki mohuć nie pieražyvać z-za novaŭviadzieńnia.
Sajt Airbnb prapanuje ŭ arendu zvyš za 17 tysiač pryvatnych kvater i pakojaŭ u Bierlinie. Dla mnohich bierlincaŭ, jakija sami arandujuć žyllo, raźmiaščeńnie kvatery na servisie Airbnb dazvalaje pierazdać pamiaškańnie na čas adpačynku abo kamandziroŭki.
U Bierlinie 1 maja nabyvaje moc zakon ab vykarystańni žyłych pamiaškańniaŭ nie pa pryznačeńni. Zakon abaviazvaje žycharoŭ horada papiarednie ŭzhadniać z uładami Bierlina zdaču kvatery turystam. Vyklučeńniem z zakona stanie zdača pakoja, ale nie bolš za 50% ad usioj płoščy kvatery.
