Karen Marcin praviała pieršy ŭ historyi zakonny pastafaryjanski abrad
Paradyjnaja Carkva Lotajučaha Makaronnaha Monstra praviała pieršaje lehalna aformlenaje viasielle. Maładyja brali šlub u pirackich kaściumach u novaziełandskim horadzie Akaroa.
Tobi Rykiets i Marjana Fien Janh zajavili, što, zhodna z praviłami ich «relihii», žanich i niaviesta pavinny być piratami.
Tobi i Marjana, fota SUPPLIED/Toby Ricketts
Carkva Lotajučaha Makaronnaha Monstra (taksama viadomaja jak pastafaryjanstva) była prydumanaja fizikam Bobi Chiendersanam u 2005 hodzie. Adepty paradyjnaj relihii śćviardžajuć, što śviet byŭ stvorany makaronnym monstram, a ludzi pajšli ad pirataŭ.
U sakaviku ŭłady Novaj Ziełandyi aficyjna pryznali pastafaryjanstva ŭ jakaści relihijnaj kanfiesii i dazvolili pravodzić viasielli pavodle pastafaryjanskaha abradu.
Pa słovach kiraŭnika viasielnaj cyrymonii Karen Marcin, u bližejšy čas płanujecca pravieści jašče niekalki viasiellaŭ, u tym liku i siarod adnapołych par.
«Da mianie źviartalisia ludzi z Rasii, z Hiermanii, z Danii z prośbaj abviančać ich u carkvie, bo naša fiłasofija admaŭlaje dyskryminacyju», — zajaviła jana.
U studzieni hetaha hoda prychilniku pastafaryjanstva z Maskvy pryhrazili zabaranić vykarystoŭvać pravy kiroŭcy, na jakich jon sfatahrafavany ź viazanym drušlakom na hałavie.
