U Viciebsku zatrymany kryminalny aŭtarytet, paviedamili BiełTA va UUS Viciebskaha abłvykankama. Supracoŭniki 7-ha ŭpraŭleńnia (pa Viciebskaj vobłaści) HUBAZiK MUS pry padtrymcy bajcoŭ AMAPu ŭ horadzie Viciebsku zatrymany kryminalny aŭtarytet 1968 hoda naradžeńnia, raniej nieadnarazova sudzimy, jaki ŭ hrupie sa zmoŭščykam 1983 hoda naradžeńnia ź vieraśnia 2015 hoda pa studzień 2016 hoda z pahrozami i ŭžyvańniem hvałtu vymahali Br10 młn i materyjalnyja kaštoŭnaści ŭ žychara Viciebska 1981 hoda naradžeńnia.
Jak paviedamiŭ načalnik adździeła pa baraćbie z arhanizavanaj złačynnaściu 7-ha ŭpraŭleńnia HUBAZiK MUS padpałkoŭnik milicyi Rusłan Bajazitaŭ, padstavaj dla vymahalnictva stała nibyta pazyka. Varta adznačyć, što častkaj hrošaj i kaštoŭnaściaŭ zatrymanyja zavałodali da pastupleńnia infarmacyi va ŭpraŭleńnie HUBAZiK. U ciapierašni čas Viciebskim haradskim adździełam Śledčaha kamiteta zaviedziena kryminalnaja sprava pa č.2 st.208 KK (vymahalnictva ŭ składzie hrupy asob). Padazravanyja zatrymanyja. Častka vykradzienaha kanfiskavana padčas pieratrusaŭ. Nakładzieny aryšt na aŭtatranspart padazravanych.
