U paniadziełak 14 sakavika elitny viełnes-kłub Śvietłany Čyž niečakana zakryli dla pravierki. Ale ŭžo ŭ aŭtorak jon iznoŭ rabiŭ.
Na sajcie kłuba Evo paznačana, što stać naviedvalnikam možna tolki pry najaŭnaści kłubnaj karty.
«Naša Niva» vyrašyła daviedacca, jak ža stać členam elitnaha viełnes-kłuba.
Vietlivaja supracoŭnica z adździeła prodažu pa telefonie paviedamiła, što isnuje dva vidy hadavych kartak: kłasičnaja i depazitnaja.
Kłasičnaja kaštuje 42 miljony 700 tysiač rubloŭ na hod. Siudy ŭvachodzić biez abmiežavańnia pa časie naviedvańnie kłubnaj zony (akvazona, jakaja mieścić u siabie basiejn, dva džakuzi, trenažornyja zały i ŭsie hrupavyja zaniatki pa raskładzie), čatyry haściavyja vizity dla siabroŭ i znajomych, kožny čaćvier možna naviedać termalny kompleks i mieć dźvie biaspłatnyja piersanalnyja treniroŭki.
Kali ŭ vas jość dzieci, jany nie buduć čakać vas u kalidory, dla ich isnuje hulniateka.
Depazitnaja kartka byvaje niekalki vidaŭ.
Kali vy ščaślivy ŭładalnik płacinavaj kartki, to jana abydziecca vam u 110 miljonaŭ na hod. Ź ich 25 miljonaŭ — za členstva ŭ kłubie i 85 miljonaŭ rubloŭ buduć na rachunku klijenta. Ź ich možna apłačvać restaracyju, fita-bar, spa-zonu, sałon pryhažości, kałahienaryj, šunhitavy pakoj, dadatkovyja pasłuhi termalnaha kompleksu — solevaja i finskaja saŭny, turecki chamam i «duš uražańniaŭ». Apošniaje — heta pracedura vodnaha masažu sa śviatłoterapijaj i rełaksacyjnym hukavym supravadžeńniem. Takuju kartku možna vykarystoŭvać na dvaich.
Šunhitavy pakoj u Evo-kłubie. Šunhit — heta minierał.
Kałahienaryj sa śvietłavoj terapijaj, jak śćviardžajecca, pavyšaje pruhkaść skury i tonus miakkich tkanak.
Vip-karta kaštavaćmie ŭsiaho 46 miljonaŭ. Ź ich 30 miljonaŭ pojdzie na členstva ŭ kłubie. Uvachodzić siudy ŭsio toje, što i ŭ kłasičnuju kartu. 16 miljonaŭ 500 tysiač možna patracić na praciahu hoda na dadatkovyja pasłuhi.
Gold-karta. Tut dziejničajuć usie tyja ž pasłuhi, ale členstva ŭ kłubie kaštuje 29 miljonaŭ I jašče 29 miljonaŭ budzie na depazicie klijenta.
Fita-bar u kłubie evo.
Byvaje jašče karta VIP-mini na paŭhoda. Kaštuje jana ŭsiaho 26,7 młn. Ź ich 21 miljon 200 tysiač za členstva i 5,5 młn budzie na depazicie.
Trenažornaja zała ŭ elitnym kłubie Evo. Isnuje i VIP-zała ź viesłavalnymi trenažorami, zaniatki padbirajucca indyvidualna trenieram.
U kłubie časta prachodziać mierapryjemstvy, kštałtu «Pošuk sapraŭdnaha chobi» i karparatyŭnyja śviaty, takija jak Novy hod i 14 lutaha.
Ahulnaja płošča elitnaha kłuba Evo ŭ centry Minska — 4000 kvadratnych mietraŭ.