16.50
Na zakančeńnie siońniašniaj akcyi lidary ruchu abviaścili pra nastupnyja: 7 sakavika projduć pratestavyja akcyi pa ŭsioj krainie, a na 14 sakavika ŭ Minsku anansavany «Marš pradprymalnikaŭ».
16.45
Na prystupkach kaścioła zahučała malitva «Ojča naš».
Niekatoryja ludzi pačali pacichu pakidać płošču.
Dyjałoh u natoŭpie: adzin z udzielnikaŭ źviarnuŭsia da milicyjanta, jaki zdymaŭ akcyju na kamieru, na «ty». Milicyjant aburyŭsia, što toj jamu «tykaje», na što ŭdzielnik adkazaŭ, što na «vy» źviartajecca tolki da tych, kaho pavažaje.
16.40
Na prystupkach Čyrvonaha kaścioła słova ŭziaŭ Aleś Makajeŭ: jon uzhadaŭ usie tyja akcyi, jakija adbyvalisia na płoščy Niezaležnaści, asabliva 2010 hod.
Adzin z udzielnikaŭ paraŭnoŭvaje ciapierašniuju situacyju z baraćboj amierykancaŭ suprać brytanskich kałanijalistaŭ. Inšy ŭzhadaŭ pra zakon pra darmajedaŭ, jaki źjaŭlajecca antykanstytucyjnym i parušaje pravy hramadzian.
U natoŭpie zaŭvažyli apieratara pucinskaha kanała «NTV».
16.35
Kałona padyšła da Doma ŭrada. Zastałosia kala 200 čałaviek. Ludzi skandujuć «Vierym! Možam! Pieramožam!»
Kiraŭnik AMAPa Bałaba vyrazna pakazvaje padnačalenym na chłopcaŭ z raściažkaj u hałavie kałony.
16.30
Kałona dajšła da Hałoŭpaštamta. Napieradzie kałony anarchisty niasuć raściažku «Vola, roŭnaść, braterstva». Udzielniki kryčać «Dałučajsia! Dałučajsia!»
Fota radyjo «Svaboda».
16.10
Paśla mitynhu na Kastryčnickaj płoščy ŭdzielniki rušyli ŭ bok płoščy Niezaležnaści. Skandujuć «Svabodu! Svabodu!» i «Salidarnaść!». Adkaznaść na siabie ŭziaŭ pradprymalnik Aleś Makajeŭ.
16.05
Pradprymalniki, jakija pryjechali z Połacka, skazali «Našaj Nivie», što rasčaravanyja małoj kolkaściu ŭdzielnikaŭ. Pa ich słovach, u hramadstva jość vydatnyja hienierały (pra Statkieviča), ale niama sałdat.
U natoŭpie razdajuć nalepki i ŭlotki «Pravy nie dajuć, pravy biaruć».
16.00
«Čynoŭnikaŭ vypuskajuć z turmaŭ i pryznačajuć na kirujučyja pasady. Nami kirujuć ad bałdy!», — skazaŭ Labiedźka padčas pramovy. Ludzi imhnienna pačali skandavać «Dałoŭ bałdu!».
15.55
Słova ŭziaŭ Mikałaj Statkievič. Pa jahonych słovach, treba praciahvać zmahacca za svaje pravy i mianiać sistemu, bo navat kali adzin ukaz admieniać, prymuć inšy. «Patrebnaja narodnaja ŭłada, bandu ad ułady treba prybrać. Bandu — preč!»
Ludzi horača sustreli pramovu Statkieviča i padchapili łozunh. Taksama pieryjadyčna hučyć «Žyvie Biełaruś!».
15.50
U natoŭpie źjavilisia pravakatary — aktyvisty «NOD» z hieorhijeŭskimi stužkami. Žančyna kaža, što Biełaruś — kałonija ZŠA, i jaje treba vyzvalać.
15.45
Pradprymalnik z Barysava Aleś Abramovič vykazaŭ dumku, što hramadstva musić stvarać miascovyja kamitety pa vyratavańni pradprymalnikaŭ. Taksama jon zaklikaŭ usich intelektuałaŭ i žurnalistaŭ spryjać pradprymalnickamu pratestu — bo ŭ svoj čas u krainie intelektuałaŭ adciaśnili ad ułady, a da čaho heta pryviało, my bačym sami.
15.40
Siarod udzielnikaŭ, akramia Alesia Makajeva i Anatola Labiedźki — Pavieł Sieviaryniec, Vital Rymašeŭski, Mikoła Statkievič.
Niekalki dziasiatkaŭ «cicharoŭ» zdymajuć udzielnikaŭ na kamiery.
Sieviaryniec padčas vystupu padkreśliŭ, što situacyja ŭ krainie nabližajecca da toj, što była pry kancy 90-ch: sistema, pabudavanaja na zamiežnych zapazyčańniach, rušycca. Jon pryhadaŭ łozunh, jaki ŭžo niekali hučaŭ: «Para mianiać łysuju humu». Pratestoŭcy jaho z entuzijazmam padchapili.
Baranavicki aktyvist Ryhor Hryk
15.40
Studenckija aktyvisty prynieśli raściažki: «My bačym Biełaruś biez dyktatury», «Łuka! Sychodź! Sychodź pakul nie pozna!». Adzin z udzielnikaŭ trymaje ŭ rukach tualetnuju papieru, na jakoj karyčnievaj farbaj napisana «Ukaz 222». Pa jahonych słovach, heta simvalizuje vartaść dadzienaha ŭkaza.
15.35
Na płoščy paboleła narodu, niahledziačy na składanyja ŭmovy nadvorja: pačaŭsia śnieh, dźmie mocny paryvisty viecier. Udzielnikaŭ akcyi ŭžo kala 400—450. Adzin z udzielnikaŭ prynios kasu — pa jaho słovach, jana «ŭ luby momant moža stać kasinierskaj».
15.30
U natoŭpie 4 b-č-b ściahi: dva łunajuć nad pratestoŭcami, jašče dva na plačach va ŭdzielnikaŭ.
Pradprymalniki ładziać pierformans: na naciahnutuju viaroŭku viešajuć niepradanyja tavary — «padarunak čynoŭnikam». Kabiakovu dastałasia błakitnaja kašula, ministru finansaŭ — štany, Łukašenku — majtki. Aktyvistka Volha Mikałajčyk patrabuje spynić «ekanamičny hienacyd».
15.20
Vystupajuć Labiedźka i Makajeŭ. Ludzi atačyli vystupoŭcaŭ ščylnym kołam, zakryvajučy ad ludziej u formie. Labiedźka zaklikaje nie paviedamlać milicyjantam pašpartnyja źviestki: «My hramadzianie Biełarusi, my ničoha nie parušajem».
15.10
Na dadzieny momant na płoščy sabrałosia kala 300 čałaviek — razam z žurnalistami i milicyjantami.
14.45
Na płoščy pa-raniejšamu nikoha, akramia siłavikoŭ.
14.20
Ludziej na płoščy pakul niama. Padciahnulisia tolki siłaviki: zaŭvažany kamandzir AMAPa Dźmitryj Bałaba, la Pałaca prafsajuzaŭ stajać milicejskija aŭtobusy.
11.50
Siońniašniaja akcyja pradprymalnikaŭ zapłanavanaja na 15.00.
Lidar Abjadnanaj hramadzianskaj partyi Anatol Labiedźka z hetaj nahody zajaviŭ: «Treba varjiravać mahčymaści dla pratestu. Byli dźvie płoščy ŭ paniadziełak, a ciapier prapanavana sabracca ŭ niadzielu 28 lutaha a 15-j hadzinie. Heta budzie zručniej ludziam, jakija źjaŭlajucca spažyŭcami tavaraŭ i pasłuh indyvidualnych pradprymalnikaŭ. Prastora svabody stanovicca ŭsio bolšaj».
Papiaredniuju akcyju IP, na jakoj mitynhoŭcy abaranili arhanizataraŭ ad milicyi i nie dali skłaści pratakoły na kiraŭnikoŭ, Anatol Labiedźka nazvaŭ «pieršaj pieramohaj biełaruskich pradprymalnikaŭ».
11:30
Pieršyja publičnyja akcyi pratestu pradprymalnikaŭ adbylisia 15 lutaha i 22 lutaha. Tyja akcyi prachodzili ŭ paniadziełak. Siońniašniaja akcyja ŭpieršyniu adbyvajecca ŭ vychadny dzień.
Niahledziačy na svaju stychijnaść, akcyja 15 lutaha akazałasia niečakana šmatludnaj. U joj uziali ŭdzieł kala 800 čałaviek. Pratestoŭcy patrabavali jak admieny ŭkaza 222, tak i źmieny palityčnaha i ekanamičnaha kursu krainy.
Akcyi padtrymali i ŭznačalili lidary palityčnaj apazicyi Mikałaj Statkievič i Anatol Labiedźka.
U svaju čarhu, Ministerstva handlu zajaviła, što dziaržava źnižaje hradus u adnosinach ź IP.
Ułady nie buduć admianiać 222-y ŭkaz i praceduru siertyfikacyi, ale hatovyja pajści na spraščeńnie biźnies-pracesaŭ dla indyvidualnych pradprymalnikaŭ. Pra heta raspaviała ŭ intervju prahramie «Niediela» telekanała STB 21 lutaha namieśnik ministra handlu Biełarusi, sustaršynia rabočaj hrupy pa prablemnych pytańniach indyvidualnych pradprymalnikaŭ Iryna Narkievič.
Jana zajaviła, što pradprymalnik u handlovym centry ci na rynku moža mieć da troch «kropak». Adpaviednyja orhany dazvolać mieć supravadžalnyja dakumienty na tavar tolki ŭ adnoj ź ich. «Jak praviła, u jaho niedzie skancentravanyja dakumienty. Ciapier pa zakanadaŭstvie supravadžalnyja dakumienty pavinny być va ŭsich troch miescach. Navošta? My źnižajem hradus. My nie kažam, što nie pavinna być dakumientaŭ. My kažam, što my spraščajem. I kažam, što hetyja dakumienty pavinny być u adnym miescy», — zajaviła jana.
