Takuju zajavu zrabiŭ premjer-ministr Biełarusi Andrej Kabiakoŭ 20 lutaha na pasiadžeńni Savieta ministraŭ, paviedamlaje pres-słužba ŭrada.
BiełTA
Asnoŭnymi zadačami dla ŭrada, ministraŭ, staršyniaŭ kancernaŭ i miascovaj ułady kiraŭnik Saŭmina nazvaŭ naroščvańnie ekspartu i racyjanalnaje impartazamiaščeńnie, jakija zabiaśpiečvajuć zbałansavanaść źniešniaha handlu; źnižeńnie vydatkaŭ i skaračeńnie zapasaŭ hatovaj pradukcyi; zabieśpiačeńnie žorstkaj kadravaj i vytvorčaj dyscypliny; raźniavoleńnie pradprymalnickaj inicyjatyvy.
«Naš hałoŭny rezierv — heta kadry, ich nacelenaść, žadańnie pracavać i patrabavalnaść da siabie i navakolnych», — padkreśliŭ Kabiakoŭ.
Pavodle jaho słoŭ, va ŭradzie ŭsiebakova razhledžanyja reziervy dla vyrašeńnia metavych zadač — dalejšaj tavarnaj i hieahrafičnaj dyviersifikacyi ekspartu, viartańnia praterminavanaj debitorskaj zapazyčanaści, racyjanalnaha impartazamiaščeńnia, aptymizacyi vydatkaŭ, skaračeńnia zapasaŭ hatovaj pradukcyi.
«Usie rašeńni pryniatyja, kožnamu daviedzienyja zadačy, klučavyja pakazčyki efiektyŭnaści, — nahadaŭ Kabiakoŭ. — Treba zaviaršyć hetuju pracu pa pradpryjemstvach, zamacavać u biźnies-płanach zaćvierdžanyja zadačy».
Sioleta ŭ Biełarusi, adznačyŭ Kabiakoŭ, adnaviłasia rabota tak zvanaha kłuba kredytoraŭ. Na hetaj placoŭcy pavinny być vypracavanyja klučavyja rašeńni pa finansavaj stabilizacyi pradpryjemstvaŭ, jakija trapili ŭ składanuju ekanamičnuju situacyju, zajaviŭ premjer. Nieabchodnymi ŭmovami dla hetaha źjaŭlajucca, pierš za ŭsio, źnižeńnie vydatkaŭ, razhruzka składoŭ, kompleksnaja realizacyja mier pa finansavym azdaraŭleńni.
«Pavinny być realna praličanyja finansavyja patoki, jakija dazvalajuć absłuhoŭvać daŭhavyja abaviazacielstvy i zabiaśpiečyć rost rublovaj i valutnaj vyručki. Paśla hetaha mahčymyja pry nieabchodnaści miery padtrymki, — zajaviŭ Andrej Kabiakoŭ. — Jak havorycca ŭ viadomym tvory, «spačatku kresły, potym hrošy». «Ale pa resursy dla «łatańnia dzirak», jakija ŭtvarylisia z-za biezhaspadarnaści i niaŭmieńnia pracavać, prašu nie źviartacca», — zajaviŭ jon.
