U bližejšyja dva hady biełaruskija inžyniery i navukoŭcy abiacajuć stvaryć i pastavić vajskoŭcam novuju rakietnuju sistemu dalnaściu da 300 km.
Biełaruskaja RSZA «Pałanez». Fota vkurier.by
Heta maksimalnaja ličba, dazvolenaja damovaj pra zvyčajnyja ŭzbrojenyja siły ŭ Jeŭropie, paviedamiŭ u videasiužecie kanał ANT.
«Treba mieć zbroju, jakaja b zaścierahała patencyjnaha praciŭnika ci supiernika našaha nie vajavać ź biełarusami. My pavinny mieć zbroju, jakaja moža nanieści nieprymalnyja straty hipatetyčnamu praciŭniku», — skazaŭ Alaksandr Łukašenka padčas sustrečy sa staršynioj Vajenna-pramysłovaha kamiteta Siarhiejam Hurulovym.
Z hetaj pryčyny Biełaruś vyrašyła zrabić staŭku na rakietnuju zbroju, dadaŭ Łukašenka.
«My jaje stvaryli. Pastavili na ŭzbrajeńnie», — dadaŭ jon, majučy na ŭvazie rakietny kompleks «Pałanez».
Da 1 lipienia 2016 hoda dyvizijon u składzie 336-j reaktyŭnaj artyleryjskaj bryhady atrymaje poŭny kamplekt rakietnych kompleksaŭ załpavaha ahniu «Pałanez», dalnaść jakoha — 200 km.
Raniej namieśnik ministra abarony pa ŭzbrajeńni hienierał-major Ihar Łaciankoŭ kazaŭ, što dyvizijon «Pałanezaŭ» budzie ŭklučany ŭ skład bryhady «da vieraśnia».
