U Minsku nahruzka na nasielnictva pracazdolnaha ŭzrostu pažyłymi ludźmi dasiahnuła maksimalnaha značeńnia za ŭsiu paślavajennuju historyju. Pra heta paviedamiła staršynia kamiteta pa pracy, zaniatasci i sacyjalnaj abaronie Minharvykankama Žanna Ramanovič siońnia na pasiadžeńni kalehii, dzie padvodzilisia vyniki pracy orhanaŭ i arhanizacyj, jakija ŭvachodziać u sistemu kamiteta, za 2015 hod.
Charaktaryzujučy ŭzrostavuju strukturu nasielnictva stalicy, staršynia kamiteta adznačyła, što ŭ horadzie pavialičvajecca dola pažyłych ludziej i źnižajecca ŭdzielnaja vaha dziaciej va ŭzroście da 15 hadoŭ. Takija faktary ŭpłyvajuć na farmiravańnie pracoŭnych resursaŭ horada — demahrafičnuju nahruzku na pracazdolnaje nasielnictva (kolkaść ludziej niepracazdolnaha ŭzrostu na 1 tys. pracazdolnaha).
«Na pačatak 2015 hoda kolkaść 15-hadovych padletkaŭ, jakija praz hod dasiahnuć pracazdolnaha ŭzrostu, skłała 15,3 tys. čałaviek. U toj ža čas kolkaść ludziej, jakija vybyvajuć z hetaha ŭzrostu (59-hadovych mužčyn i 54-hadovych žančyn), — 27 tys. čałaviek. U dalejšym dyspraporcyja pamiž hetymi ŭzrostavymi hrupami jašče bolš pavialičycca», — skazała Žanna Ramanovič.
Kožny piaty žychar Minska starejšy za pracazdolny ŭzrost, u toj čas jak u 1999 hodzie im byŭ kožny šosty. U cełym pa horadzie lik piensijanieraŭ (stupień piensijnaj ciažkaści) na 1 tys. hramadzian u pracazdolnym uzroście vyras z 307 u 2011 hodzie da 351 u 2015. A kolkaść dziaciej, jakija prychodziacca na 1 tys. hramadzian pracazdolnaha ŭzrostu, pamienšyłasia z 311 u 1999 hodzie da 252 u 2015.
«Aznačanaja tendencyja niepaźbiežna paŭpłyvaje na pracoŭny patencyjał i pryviadzie da pavieličeńnia deficytu pracoŭnych resursaŭ, pavialičyć nahruzku na pracazdolnaje nasielnictva, vykliča rost vydatkaŭ VUP na piensijnaje zabieśpiačeńnie», — kanstatavała kiraŭnik profilnaha kamiteta meryi.
U hetaj suviazi pieršaradnaj zadačaj jana nazvała pavieličeńnie praciahłaści zdarovaha žyćcia ŭ intaresach ustojlivaha raźvićcia krainy i horada — kab ludzi mahli daŭžej pracavać i samastojna padtrymlivać dabrabyt svoj i členaŭ svajoj siamji. U hetym kantekście aktualnymi nazvanyja pavyšeńnie efiektyŭnaści funkcyjanavańnia prafiłaktyčnaha, dyjahnastyčnaha i reabilitacyjnaha kampanientaŭ achovy zdaroŭja, a taksama ŭzmacnieńnie adkaznaści pracazdolnaha nasielnictva za svajo zdaroŭje, zdaroŭje dziaciej i sastarełych baćkoŭ.
Kolkaść nasielnictva Minska za piać hadoŭ pavialičyłasia na 74,8 tys. čałaviek i ŭ 2016 hodzie skłała 1 959,9 tys. čałaviek, abo 20,6% ad ahulnaj kolkaści nasielnictva respubliki.
