Rasija z poŭdnia aŭtorka całkam prypyniła tranzit pa svajoj terytoryi hruzavych transpartnych srodkaŭ, zarehistravanych va Ukrainie, paviedamiła rasijskaje ministerstva transpartu.
«U suviazi z praciaham błakavańnia ruchu rasijskich hruzavych transpartnych srodkaŭ pa terytoryi Ukrainy z 12:00 msk 16 lutaha 2016 hoda na terytoryi RF całkam prypyniajecca ruch ukrainskich hruzavych transpartnych srodkaŭ, jakija ažyćciaŭlajuć tranzitnyja pieravozki hruzaŭ», — havorycca ŭ paviedamleńni viedamstva.
Dastaŭka hruzaŭ na terytoryju Kazachstana budzie ažyćciaŭlacca pieravozčykami inšych dziaržaŭ. U ministerstvie ŭdakładnili, što hetyja miery buduć dziejničać «da ŭrehulavańnia situacyi, źviazanaj z błakavańniem ukrainskim bokam rasijskich hruzavych transpartnych srodkaŭ».
Rankam 16 lutaha Rastransnahlad prypyniŭ na terytoryi Rasii ruch 324 ukrainskich fur.
Ukrainskija aktyvisty pačali błakavać rasijskija hruzaviki, jakija nakiroŭvajucca ŭ bok Biełarusi, 12 lutaha. U adkaz Rastransnahlad uvioŭ uzmocnieny kantrol nad pieramiaščeńniem ŭkrainskich aŭtamabilaŭ pa Rasii.
U paniadziełak urad Ukrainy paviedamiŭ pra časovaje spynieńnie tranzitnych pieravozak hruzavymi aŭtamabilami z rasijskimi numarami pa terytoryi krainy.
Rasijski bok patrabuje ad ukrainskich uładaŭ vyrašyć hety kanflikt.
