Ranicaj u subotu, 13 lutaha, u korpusie «A» Minskaha dziaržaŭnaha linhvistyčnaha ŭniviersiteta spracavała pažarnaja sihnalizacyja. Pra heta paviedamiŭ pres-sakratar staličnaha MNS Vital Damboŭski.
Korpus «A» — heta toj z karpusoŭ Linhvistyčnaha, jaki hladzić na vulicu Rumiancava.
U budynku pačaŭ tleć ŭciaplalnik ŭ mižścienavaj prastory miž kabinietam №304 i supolnym kalidoram. Kali ratavalniki prybyli da budynku ŭniviersiteta, jany nie adrazu znajšli miesca ŭzharańnia. Usich 530 čałaviek, jakija znachodzilisia ŭ budynku, evakuiravali. Nichto nie paciarpieŭ.
Imaviernaja pryčyna pažaru — karotkaje zamykańnie elektrapravodki. Ścieny aŭdytoryj u korpusie zapaŭnialisia płastom izalantu dla palapšeńnia hukaizalacyi. U časy pabudovy ŭniviersiteta dla hetaha vykarystoŭvali jašče haručuju vatu, a nie minieralnuju, jak ciapier.