Za pieršy miesiac dziejańnia padachodnaha padatku z vyjhryšaŭ u azartnyja hulni ŭ biudžet pastupiła bolš za 31 młrd rubloŭ, paviedamiŭ na pres-kanfierencyi 12 lutaha ŭ Minsku pieršy namieśnik ministra pa padatkach i zborach Biełarusi Ihar Klepča.
«Letaś za košt vykarystańnia sistemy kantrolu ŭ śfiery ihralnaha biznesu ad arhanizataraŭ azartnych hulniaŭ biudžet dadatkova atrymaŭ 120 młrd rubloŭ. Akramia taho, ad uviadzieńnia z 2016 hoda staŭki padachodnaha padatku ŭ pamiery 4% z vyjhryšaŭ ŭžo ŭ studzieni pastupiła bolš za 31 młrd rubloŭ płaciažoŭ u biudžet», — udakładniŭ jon.
Z 1 studzienia 2016 hoda dachody fizičnych asob u vyhladzie vyjhryšaŭ (viernutych stavak, jakija nie syhrali), atrymanyja ad arhanizataraŭ azartnych hulniaŭ, u Biełarusi padlahajuć abkładańniu padachodnym padatkam.
U 2016 hodzie arhanizatary azartnych hulniaŭ abaviazany pieraličvać u biudžet sumy vyličanaha i utrymanaha padachodnaha padatku z vyjhryšaŭ nie paźniej za 22 čysło miesiaca, nastupnaha za miesiacam, u jakim vypłačanyja (u tym liku zaličanyja elektronnyja hrošy ŭ elektronny kašalok) dachody fizičnym asobam u vyhladzie vyjhryšaŭ.
Pavodle źviestak MPZ, u 2015 hodzie płan pa źbirańni padatku na ihralny biznes byŭ vykanany na 100,7%. U kansalidavany biudžet pastupiła 424 młrd rubloŭ, zvyš za płan — 3,1 młrd rubloŭ. Udzielnaja vaha dadzienych pastupleńniaŭ u ahulnaj sumie padatkovych dachodaŭ biudžetu Biełarusi skłała 0,2%.
